قلت الوداع وجاوبت دمعة العين
تجرح بساتين الخدود النديه؟؟؟
و اغضت و شفت بعينها الحزن حزنين
وصاحت على الفرقا ... انامـو قويه!!
و جاوبتها ارجوكِ تكفين تكفين
والله دمعك يشعل النار فيّه
وقالت تعاهدني عهاد المحبين
الله يخون اللي يخون بخويه
قلت ابشري واللي خلقك لاتظنين
حرام ماااا غيرك عشقت آدميه!!
وقصت شعرهاقلت انا وش تسوين؟!
قالت: ابي من غرتي لك هديه..
ونادتني الغربه على الهمّ و البين
واحسب ان الايام روحه وجيه
غربة سنه في ذمتي غربة سنين
متى على الله يلتقي الحي حيه
و رجّعت شوقي في خفوقي براكين
ورجعت انا كلي لها جاذبيه
وسألت ماردو..!! وأنا اصيح هي وين؟!
وكل نثــر داخل العين ميّه
وفي معمعة حزني تلقيت رمحين
قالوا: مااااااتت ... غافلتها المنيه
وفي غرغرتهاماذكرت غير حرفين
تشهدت باسمك شفاة البنيه
صدمه وجابتني على الارض نصفين
شلون راحت دون ذنب و خطيه؟!
تكفون دلوني على القبر هالحين..
ما عاد فيني للصبر مقدريه
ووقفت اطالع قبرها بين نصبين
وجلست اضم اغلى النصايب عليّه
واصيح وش بك يا غلا ماتردين؟!
اشتقت همس اشفاك النرجسيه
وش فيك جيت من السفر ماتهلين؟!
ماهي بـ لك عاده ولا انتي رديه
و حاولت في لحظة جنون اجرح الدين
و ازيح تربة قبرها في يديه
و بالغصب شالوني حشا تقول مسكين
و اصرخ بهم ...والله والله حيّه
اقفت وتاهت بي جميع العناوين
والحزن يلعب في داخلي سامريه
و رجعت لدروب الشقا قبل عامين
مدري من اللي فينا صار الضحيه؟!
......
تحياتي
